Button leh Nascar inrem
Formula One world champion hlui Jenson Button chuan kumin hian Nascar Cup Series-a race vawithum tlan turin contract a ziak fel.
2009 Formula 1 title a lakna kawnga grands prix hnehna vawiruk chang Button hian Brawn tana season khat lek a hman chhungin world title a la thei kha a ni a; tunah kum 43 mi ni ve tawhin, March ni 26 khian Texas lamah stock car series debut a nghakchhuak dawn a ni.
Button hi July ni 2-a a tumkhatna atana tlan tur Chicago Street Race lamah pawh a inlan dawn a, August ni 13 khian Indianapolis Motor Speedway Road Course-ah car a khalhchhuak leh bawk ang.
Kum 17 zet F1 career a kalpui hnua car intlansiak lian ber chawlhsan tawh Button hian Formula One a luhchilh lai khan grand prix hnehna tum 15 changin, uaithla lam a nih hnuah car intlansiak tenau zawk a luhchilh chho leh dawn a; Nascar nena inremna an ziah fel hnuah a racing career-a pawimawh ber chu nuamti chunga intlansiak hmachhawn a nih thu a sawi.
Button-a Nascar race hmasaber tur hi tunthla tawp lam Austin khaw tlankawng Circuit of the Americas lamah kan thlir dawn a, Rick Ware Racing tan Mobil 1 Ford Mustang a khalhchhuak dawn a ni.
Kum 2017-a F1 a chawlhsan hnu khan Button hian hlawhtling takin motorsport arena dang dang a luhchilh leh a; 2018 Super GT Championship hnehtu niin, Le Mans 24 Hours lamah pawh a inlan zui bawk.
Button leh Nascar inrem
Get real time updates directly on you device, subscribe now.
Prev Post
Next Post