C. |huamluaia sulhnu zir ho

C. |huamluaia sulhnu zir ho
Nimin khan Mizo Academy of Letters (MAL), Joint Headquarters Lunglei leh Department of Mizo, Government J. Buana College (GJBC), Lunglei te tang kawp huaihawtin Lungleia GJBC Multipurpose Hall-ah “C. |huamluaia Sulhnu Zir Hona” buatsaih a ni a. Lunglei Municipal Council (LMC) Chairman Lalzuithanga’n khuallian niin a hmanpui.
Lalzuithanga chuan C. |huamluaia chu Lungleia Dhubi Mual (tuna C. |huamluaia Mual) vantlang kuta a awm theih nana a thawh hlawkna te, thu leh hlaa a sulhnu tha tak tak avang tea hriat reng hlawh tawh tur a nih thu sawiin, MAL Joint Headquarters leh GJBC Mizo Department te’n a sulhnu zir hona an buatsaih chu ropui a tih thu a sawi a. Mi ropuite chu an liam hnuah, khuareiah an hlutzia a hriat chho zel tih sawiin, mi ropuite chanchin ziaka awm lo, tawngka leh titia inhlan chhawnte pawh pawl leh mimal thahnem ngaite hma laknain an chanchin chhui leh chhawp chhuah a ni thin chu hlu a tih thu a sawi a. MAL leh zirna ina thawkte, ziak mite leh zirlaite chu ram leh hnam tana mi hlute chanchin vawn that, dap chhuah leh zir chian kawngah theih tawp chhuah zel turin a chah.
C. |huamluaia sulhnu zir hona hi MAL Jt Hqrs Lunglei Vice President Pu Pc. Lalduhthlanga’n kaihruaiin, GJBC Principal Lalthangmawii Chhangte chuan inlawmna thu a sawi a. Organising Secretary Rochharzela’n seminar buatsaih tura hma lak dan tar langin, MAL JHQ Patron RK Lalhluna (Thih ni: 25.10.2025) leh Life Member P. Lalrinsanga (Thih ni: 02.10.2025) te sunna hun hman a ni a. Keynote speaker, GJBC-a Associate Professor & Head of Department (Mizo) KF Lalthuamluaia (|huamtea Khawlhring) chuan C. |huamluaia chanchin leh thu leh hla a thiamzia a sawi bawk.