CADC-ah chuhtu 73 awm

CADC-ah chuhtu 73 awm
May 9-a Chakma Autonomous District Council (CADC) hnuaia Member of District Council (MDC) inthlanpui neih tura chuh tuma hming pelut 76 zinga 74 nomination endikna (scrutiny) a nih hnua pawmsak tak atangin pakhat a inhnukdawk a, bial 20-a inthlan turah candidate 73 an awm.
April 27 chhun dar 12 thlenga inhnuhdawh theihna hun hawnah Kamalanagar North MDC constituency-a independent-a chuh tuma hming pe Probindu Chakma chu inhnukdawkin, candidate 73 an awm dawn ta a. Political party pathum – Bharatiya Janata Party (BJP), Indian National Congress (INC) leh Mizo National Front (MNF) te chuan bial awm zawng zawng bial 20 an chuh vek a. Zoram People’s Movement (ZPM) in bial 13 an chuh dawn a ni.