Cambodia in journalist a man chhuah

Cambodia in journalist a man chhuah
Tun thlatir lama man Cambodia journalist Mech Dara chu bail-a chhuah lailawktir a ni.
Khawvela media lian hrang hrang tan pawha lo thawk tawh thin Dara hian man a nihna chhanah ngaihdam dilna tichhuakin, jail chhung atanga ngaihdam a dilna chu pawmsak a nih hnuah chhuah lailawktir a nih thu Cambodia sorkar chuan a sawi.
Dara hian October ni 1 khan social media-ah post chi hrang hrang siamin, heng zingah hian mipuite hnena buaina thleng thei leh fuihpawrhna thu a awm nual nia ngaiin Phnom Penh Municipal Court chuan thiam loh a chantir a, tlang thianghlim chungchang pawh a sawi bawrhbang niin sawi a ni bawk.
An man hnu hian human rights pawl hrang hrang leh US sorkar chuan thuchhuah a lo siam tawh a, sorkar chu inenfiah se an duh thu an sawi hlawm.
Jail a chhuahsan hnu hian thuthar thehdarhtute hmaah Dara chuan a chhuah avanga lawmthu sawiin, a hriselna enkawl uluk a ngaih avangin hahchawlh rih a mamawh thu a sawi.