Canadian Open hnehtu Pegula leh Sinner

Canadian Open hnehtu Pegula leh Sinner
Pathianni Canadian Open hmeichhia leh mipa singles final-ah straight-set ve vein Jessica Pegula leh Ja-nnik Sinner an chak.
American Pegula hian Montreal khaw final-ah minute 49 lek chhungin Russian Liudmila Sam-sonova chu 6-0 6-1-in a hneh a, a career-a WTA 1,000 title pahnih a lakna chiah a ni.
Kum 29 mi Pegula hian semi-final match-a world number one Iga Swiatek a hneh hma quarter-final lamah Coco Gauff a paltlang bawk a, player hraw pahnih laka hnehna a chan chungchang sawiin world number three chuan, “Coco leh Iga hnehzawn kha a hautak takzet a ni. Felfai taka player tha pahnih pal-tlang kha a ropui tih loh rual a ni lo,” a ti.
World number 18 Samsonova khan khuain a bumro avangin semi-final match a khel tlai a, third seed Elena Ry-bakina laka 1-6 6-1 6-2 hnehna a chan atanga darkar hnih chuang hlek hnuah final match hau-tak a khel zui leh ta mai kha a ni a, a chau deuh pawh a ni mai thei.
Kumina a title hma-saber a sualchhuah hnua WTA ranking thara pathumna luahtu Pegula kha kum 2013 champion Serena Wi-lliams hnu lama Ameri-can zinga Canadian Open trophy hawn leh thei hmasaber a ni.
Toronto khaw lama mipa final-ah kum 21 mi Italian Sinner chuan minute 90 chhungin Alex de Minaur lakah 6-4 6-1 hnehna a sualchhuak a; tum nga lai kum 24-a upa Australian serve a break sak nghe nghe.
Pathiannia a hnehna chan avang khan Sinner chuan a career ranking-a a tawnsan ber hun chuangkaiin parukna a luah a; De Minaur nen khan vawinga an insutna niin, Italian Sinner a la chak fai vek.
Tun kha ATP Mas-ters 1,000 final-a Sinner chak vawikhatna niin, a hma lama he level final tum hnih a lo khelh tawh kum 2021 leh kum 2023 Miami final-ah a tlawm ve ve a ni.