Canadian Sikh Sarwan Singh-a’n khabehmul sei record siam

Canadian Sikh Sarwan Singh-a’n khabehmul sei record siam
Canadian Sikh Sarwan Singh khabe hmul chu meter 2.54 (feet 8 leh inches 3) a sei niin, mihring damlai zinga khabe hmul sei berah Guinness World Record chuan a puang. A hmaa hetiang record siamtu pawh amah Singh-a tho hi niin, a ma record Tum thum a khumna a ni ta a ni.
Sarwan hian a khabe hmul hi a la met ngai lo va, 2008 khan a vawi khat nan khabe hmul sei record siamin, chutihlai chuan a khabe hmul hi meter 2.33 (feet 7 leh inches 8) a sei a ni a, hemi hmaa record siamtu chu Swedish Birger Pellas niin, a khabe hmul chu meter 1.77 (feet 5 leh inches 9) a sei a ni.
Sarwan-a khabe hmul hi 2010 khan Italy-ah Lo Show dei Record atan an teh Tha leh a, chutah chuan meter 2.49 (feet 8 leh inches 2.5) a sei niin, record thar a siam a, tunah meter 2.49 (feet 8 leh inches 3) a sei niin, record a siam thar leh ta a ni.
Hetiang khawpa seia khabe hmul zuah chu a buaithlak viau kan ring a ni mai thei, mahse, Sarwan chuan a khabe hmul chu a ngainat em avangin engmah harsatna a neih phah lo niin a sawi a, a khabe hmul sei tak chu pathian thilpek ni ngei a hriat thu a sawi bawk.