Pathianni zing khan boxing-a super-middleweight huanga kawnghren pali kawl khawmtu Saul ‘Canelo’ Alvarez chuan an khingpui Jermell Charlo chu unanimous decision in a hneh a, a kawnghren a humhim.
Super-middleweight huanga vawk lal lel Canelo hian a kawnghren chuhpuitu Charlo lakah harsatna lian a tawk lova, round 12 an inhmachhawn chhungin chak phu zawk a ni tluan. T-Mobile Arena a inhnek ngaihven hlawh taka hian Canelo hian round sarihnaah a khingpui hi a hnek tlu naa knockout in hnehna a chang zo bik lo. A khingpui Charlo hi khel chhe lem lo viau mah se, inlehthalna lian thlentir tur khawpin a inlan thei bik lo thung.
Inhnek hmuhnawm takah hian endiktu pathumte chuan Canelo an chaktir vek a. Point 119-108, 118-109 leh 118-109 a chakin, Mexican boxer lar Canelo-a’n a kawnghren kawl mek WBO, WBC, WBA leh IBF a humhim nawn leh. Canelo hian inhnek vawi 64 zet a hmachhawn tawhah vawi hnih chiah a la tlawm a, boxer ropui a nihzia a nem nghet chiang deuh deuh zel.
Canelo a chak zel
Get real time updates directly on you device, subscribe now.
Prev Post
Next Post