Car hire dana inpuhna court-in tifel thuai ang – Lalmuanpuia Punte

Sawrkarin car rental a hman dan chungchanga adviser to CM TBC Lalvenchhunga puh tel a nihna chu court-in a chingfel thuai dawn tih adviser to CM dang Lalmuanpuia Punte chuan a sawi.
Thawhtannia ZPM party office-a inkhawmah Lalmuanpuia Punte chuan tunhnaiah Pu TBC Lalvenchhunga hi dawt ngialngan hmanga puh a ni, tiin, TBC Car Rental chungchangah MLA hi a inrawlh loa, dawt hmanga inpuhna leh intih hmingchhiatna hi a chhanletna an hmu thuai dawn a, a tawp thlen an tum a, court-in a chingfel thuai dawn, tiin a sawi.
Tunhnaiah Manipur state-a Zofate buaina tawh leh an dinhmun chu a hmunah a tlawh tih adviser to CM (Political) hian a sawi a. Mizoram mipuiin kan thlahthlam thiang lo tih a sawi.
An kalkawng Tipaimukh kawnga Tuivai lei, Churachandpur kalpawhna, kum 1997-a tuilianin a tihchhiat tawh, kum 37 ngaihsak hlawh tawh lo chu sawrkar tharin dawhsak tumin hma a la mek a, Hmar area amite an lawm takzet tih a sawi a ni.
Autonomous District Council chungchangah sawrkar kal tawhte an inrawlh nasa thin a, an ni erawh an party ni lo mah se, phehthluk tumin an veh an veh ve dawn lo tih chief minister-in a sawi tawh tih Lalmuanpuia Punte hian a sawi bawk.