Car insut vanga kangmei chhuak zuiah mi pasarih thi

Car insut vanga kangmei chhuak zuiah mi pasarih thi
Gujarat-a Maliya Hatina khaw bul, Junagadh-Veraval highway-ah car pahnih insu avanga kangmei chhuak zuiah sikul naupang panga telin mi pasarih an thi a. Insu pakhat zawka CNG cylinder chu puakin a bula in eng emaw zat a man kai bawk.
Police chuan car pahnih hi chak taka an tlan lai ve vea insu an ni tih an sawi.
CCTV thlalak atanga a lan dan chuan car pakhat zawk hian kawng inthenna (divider) tlan pelin kawng lehlama tlan lai chu a su a. An pahnih hian an thal ve ve a ni. CNG cylinder hi a chhunga chuang an awm laiin a puak a, rang takin a bul hnaia phuahchawp tak taka in sakte chu a man kai ta tih a lang.
A bul hnaia miten an hriattir veleh police, fire department hotute leh ambulance an thleng nghal a. Mei pawh hi hun reilo te chhunga thelh mih a ni.
Thil thleng hmutu chuan zing dar 8:00 vel niin a sawi a. “Thil puak ring tak ka hriat rualin ka tlan nghal a, dar 8:00 vel a ni a, a bul hnai lawk khualbuka awm ka ni,” tiin Dilip Singh Sisodia chuan a sawi.
Car pakhatah hian mi pali an chung a, pakhat dangah panga chuangin an vai hian an thi vek a. Anni bakah hian mi pahnih na takin an inhliam bawk.
Thi zinga panga hi zirlai, exam tura kal an ni tih police chuan an sawi a. An ruang hi post-mortem tura tih a ni bawk.