Catwalk thui record siam
Nigerian model Ololade Ayelabola, kum 26, chuan fashion show neiin ni nga chhungin km 125.11 a thui a catwalk hman a, Guinness World Records a siam. Record hi nikum October khan Lagos-a a siam tawh kha niin, Guinness lamin atangin kar kalta khan record a siam thu hriattirna a dawng ta a ni.
Ayelabola hian modeling industry-ah luh a lo tum tawh thin a, mahse, a taksa san zawngin a pha lo tiin an lo hnawl thin. Lagos Fashion Week-ah pawh audition-ah inlanin, talent a nei tha viau nain a height avang bawkin an hnawl leh a, chumi rilru na chuan modeling industry-a mi chi hrang hrang tan hmun a awm ve theih nan tiin record siam tumin a inpuah chah ta a ni.
Ayelabola hian a sum sengin show hi a buatsaih a, fashion industry-ah mi chi hrang hrang, pianze hrang hrang nei ten hmun an chan theih nan theih tawpa beih a tul ni a ngaiin, record siam tum hian a bei ta a. Ni nga chhung fashion show neihna a model te inthehthil thinna, ramp-ah catwalk ngar ngarin, a catwalk thui zawng hi km 125.11 tlingin, Guinness World Record a siam ta a ni.
Catwalk thui record siam
Get real time updates directly on you device, subscribe now.