CAU Imphal zirlaite tan ruahman

Mizoram larsap Dr Hari Babu Kambhampati ruahmanna angin Central Agriculture University Imphal vice chancellor Dr Anupam Mishra chuan Raj Bhavan-ah larsap hi a hmu a. CAU Imphala Mizoram atanga lut zirlaite harsatna tawh chu chinfel a ni.
Manipur-a chi leh chi buaina avangin CAU Imphal-a Mizo zirlaite tan a hmuna zir chhunzawm zel rem lohna a awm a. He harsatna sukiang tur hian July 31 khan Mizo Students’ Union chuan Mizoram larsap hmu in ngenna an thlen a. He thil larsap chuan a bawhzui nghalin, CAU Imphal vice chancellor hi phone-in a bia a, hemi chungchang ruahmanna siam tur hian a hrilh a ni.
He ruahmanna ang hian Mizoram atanga CAU Imphal-a zirlaite hi Imphala an kal ngai loin, College of Veterinary Science Selesih-ah exam an pe thei dawn a. Admission atana tul documents pawh Aizawlah an thehluh theih dawn bakah online-in class an kal thei dawn a ni.