CBSE class 3 leh 6 te tan textbook thar
Academic year 2024-25 ah Class 3 leh 6 te chauhin textbook thar an hmang rih ang tiin Central Board of Secondary Education (CBSE) chuan a hnuaia inziaklut school te hnena circular a tihchhuahah a tarlang a. National Council of Educational Research and Training (NCERT) chuan textbook thar a ruahman a ni.
NCERT chuan a itrah chuan tun academic year atangin class I atanga Class 12 te textbook thar hmantir vek a tum a, Curricular area group tin tena NCERT a draft an thehluh hun chu Febaruary 10 ah a tuksak a. Mahse, CBSE circular chuan kumin atan chuan Class 3 leh 6 tihchauh loh chu textbook ngai hman phawt tur a ti leh si a ni. Academic year hi April 1, 2024 atanga tan tur a ni.
NCERT chuan March 18 khan CBSE hnenah Graes 3 leh 6 te tana syllabi thar leh textbook te chu siam meka tihchhuah thuai a nih tur thu a hrilh a. “School te chu syllabi thar leh textbook thar te class three leh six te tan bika hman tur” tiin circular chuan a tarlang.
NCERT chuan class 6 tan bridge course leh Class 3 tan concise guidelines a siam bawk a, hei hi zirlai tena harsatna awm lova National Curriculum Framework 2023 zulzuia zirdan thar an kalpui theihna tur atana tih a ni.
“Heng resource te hi NCERT atanga dawn a nih veleh school tin hnenah online a semdarh a ni ang a. Board chuan school head te leh teacher te tan National Education Policy 2020 zulzuiin zirtir dan thar an bel theih nan zirtirna a pe ang” tiin CBSE circular chuan a tarlang bawk.
Curriculum note
CBSE chuan Class 9 atanga 12 te tan curriculum note a pechhuak tawh bawk a. Kum 2024-25 ah Class 9 leh 10 te tan Board chuan compulsory subject tur chu languages pahnih, Social Science, Maths leh Science a ni a ti a. Skill subject pakhat emaw elective chu optional a ni bawk ang a, chungah chuan Retail, Information technology, Marketing & Sales, Banking, Finance and Artificial Intelligence te a awm dawn tia sawi a ni. Tun dinhmunah chuan third language chu optional niin Health, Physical Education, Work Experience, leh Art education chu compulsory subject a ni thung.
Class 11 leh 12 ah erawh CBSE Chuan zirlai te chuan language pahnih an zir ngei ngei a ngaia chubakah compulsory subject pathum chu tihmakmawh a ni bawk a. Zirlaite chuan third language emaw electic subject pakhat chu pool of languages, academic leh skill subjects te atangin a thlang thei bawk a. Chubakah Health and PE, Work Experience and General Studies te chu compulsory subjects niin mahse internal assessment chauh neih tur a ni thung.
Cross-curricular linkages
Cross-curricular linakges siam chu pawimawh tawp niin hriatna lo neih sa tawh leh information thar te thlunzawmna lamah a pui a ni tiin CBSE chuan a sawi a. “Entir nan :- mathematical data handling leh interpretation chu geography leh science ah a hman theih a. Naupangte chuan tawng hmanga sawifiahna leh tawitea sawifiahna an zir chuan history, geography leh science ah chhanna awlsam zawkin an siam thei a ni” tiin curriculam note chuan a tarlang a.
Chutiang bawkin life skills pawimawh heng empath, problem solving leh interpersonal communication te chu literature zir nen inviatchiala siam theih a ni a ti bawk.
Outcome-based assessment
CBSE Chuan textbook driven assessment aiah ‘learing outcome based’ assessment tam zawka kalpui a nih theih nan hma a la bawk a. Board examination queation paper-ah pawh real-life situation behchhan a tam tial tial a, chuvangin zirlaite chuan information an neih te chu uluk leh chik zawka an chhut a ngai tawh a ni.
“Zawhna tinah theihna lailan tum ber a ni a, mahse syllabus leh textbook behchhan vekin a ni tho ang a. Chungte chuan chhuak tur chiangsa anga ngaihna leh rote learning te nasa takin a nuaibo dawn a ni” tiin CBSE chuan a tarlang bawk.