Nimin, Ningani khan ICC Men’s ODI Player of 2022 an puang a, Pakistan captain Babar Azam chuan ICC Men’s ODI Cricketer of 2022 lawmman ‘Sir Garfield Sobers Trophy’ a dawn bakah Captain of ODI Team of 2022 chawimawina a dawng tel bawk.
-- Advertisement --
Nikum khan Azam hi a chetha hle a, a mimal record siamin, ODI run 2598 a siam tling a, a average pawh 54.12 tling phain, cricket khelh dan (format) chi hrang zawng zawnga run 2000 siam tling vek thei awmchhun a ni.
Calendar kum khat chhungin century vawiriat bakah half century tum 17 a siam tling bawk.
Kum 28 mi hian a zawnin kum hnih chhung ICC Men’s ODI Player of the Year chawimawina a dawng a, ICC Men’s ODI Player Rankings lamah pawh top rank a la luah tel cheu!
Babar hi nikum khan Test cricket lamah pawh a chechhe lo a, a team lamin result nei tha lo mah se mimalin a thawhhlawk a, game kua lekah run 1184 a ngah tling.
Captain of the ICC ODI Team of 2022 lawmman dawng tel Babar hian nikum khan Pakistan captain ni chungin ODI series vawithumah a ram a chakpui vek a, Australia nen game kua an khelhah game khat chauh an tlawm.