Mizoram Police chuan two wheeler rutu nia lang pakhat chu CCTV hrang hrang atangin an chhui a, thil bona atanga km.9 vela thuiah amah hi an chhuichhuak.
Aizawl SP Rahul Alwal sawi danin, May 14 zan khan Electric Elim Venga garage pakhat atangin scooty (Aprillia) MZ-01 U 2799 chu rukchhuah a ni a. Police-te hian mimal CCTV vuah hrang hrang atangin a rutu niawma ngaih hi an chhui a, Zuangtui thlengin hetiang hian an chhui thei a, an chhui tanna atanga chhutin an va chhui thlenna hi km..9 vela thui a ni.
May 17 tlai dar 5.30 vel khan he scooty rutu nia hriat C Lalropuia (45), Zuangtui Vengthar chu an va chhuichhuah hi a ni a. Kawngsira a lo thuhruk he scooty pawh hi hmuhlet leh niin, police-ten thu an zawhfiahnaah May 14 zan khan Durtlang Leitan atangin FZ bike MZ-01 J 3923 chu a lo ru bawk tih a sawi a. He bike hi Electric Veng huamchhungah hian hnutchhiahin scooty hi a ru ta zawk tih a sawi a. Bike neitu hian Bawngkawn Police Station-ah FIR a lo thehlut a, a bike hi peklet a ni tawh a ni.
CCTV atangin Km. 9 vela thuiah rukru chhuichhuak
Get real time updates directly on you device, subscribe now.
Prev Post
Next Post