Cell phone vangin in\henna thleng thei

Technology lamah kan thang a, chu chuan kan nunphungah awlsamna tam tak a thlen rualin chu awlsamna chuan inthenna a thlen thei tlat lawi si niin mithiam ten an sawi. Inbiakpawh a awlsam ta a, hmun hla tak tak ami te pawh awm dun ang maiin kan inkawm thei a, mahse, hmun khat awm dun reng te kan inhlat phah niin an sawi tlat.
Tunah chuan engtik lai pawha cell phone screen bih deuh ngur ngur kan tam ta hle a. Kan bulah midang awm ve reng mahse, anmahni ngaihsak loin midang kan kawm daih thei a, chu chuan relationship lamah harsatna a thlen mek a ni.
Kan ngaihzawng te emaw, kawppui te emawin an bula kan awm ve reng laia an phone ringawt an khalh neuh neuh reng mai kan lawm lo ru deuh tlat. Min ngai pawimawh tawk loah kan ngai rilru a, chutiang chuan awm ve ila a tuar thei lo zawk emaw an ni leh si ang. Kan tawng mawlh mawlh a, mahse, kan thusawi an ngaihthlak leh ngaihthlak loh pawh kan hre ta meuh lo!
SMS hi a tangkai khawp mai, thil a ti awlsam a, mahse, kan tih over hian kan kawppui te kan hloh phah thei dawn tlat. Hei le tih tur leh tih loh tur ni a mithiam te sawi kan rawn tarlang e.
1. In pahniha inawm dun laiin midang biakpawh tum kher suh. A cool lo teh mai a nia. I bula awm chuan i ngaihven a phut a, chutih laia nangin i phone ringawt i kheuh neuh neuh reng mai chuan nuam a ti lovang. A khât tawka melh leh zawk thin ringawt kha a tawk lo a nia.
2. I phone check reng suh. Hei hi midang tan a ninawm hle tih hre rawh. A khât tawka i phone bih leh zuk zuk thin khan i bula awm rilru kha a la peng daih dawn a, a kalsan daih che a nih pawhin thinrim ngawt tur i ni lo. A bula i awm loh hunah i phone chu check mai rawh, in awmdun chhung na na na chuan ngaihven hle ang che.
3. In pahniha inawm dun lai chuan i phone switch off emaw silent mode-ah emaw dah rawh. In in-date emaw, zanriah in eidun emaw, an inah i leng emaw a nih pawhin i phone chu switch off emaw silent mode-ah emaw dah daih rawh. Ti ti dun melh melh laia phone call rawn kal thut te hian mood a tichhe vek thei a nia.