Taylor Swift-i’n Artist 100 chart-a a record a sawhnghet

Taylor Swift chu Billboard Artist 100 chart-ah a No.1 a, he chart-a No.1 ni ngun ber a nihna a sawh nghet leh ta sauh e. Hetihrual hian Dave Matthews Band leh Ghost te pawh chart trop 10-ah an lang.
Billboard Artist 100 chart hi kar khat chhunga US-a zaithiam lar dan tehna a ni a, chart ranking siam nan hian kar khat chhunga US-a album leh hla an hralh tam dan te, radio airplay leh streaming te chu tehna pawimawh a ni.
Taylor Swift hi he chart-ah hian kar 67 a No.1 tling ta a, he chart-a No.1 ni ngun ber a nihna a sawhnghet leh ta sauh a ni. Tunkar Billboard 200 (albums) chart-ah Swift album pakua a lang a, top 40 china lang thei vek niin, hetiang hian kar thum chhung tum khata top 40-a lang thei album pakua a neihna a ni ta a, hetiang ti ve thei zaithiam dang tumah an la awm lo.
A album pakua, tunkar chart a lang te chu- Midnights (3), Lover (6), 1989 (12), Folklore (15), Reputation (22), Red (Taylor’s Version) (24), Evermore (33), Speak Now (37) leh Fearless (Taylor’s Version) (39) te an ni.
Hei bakah hian a hla ‘Anti-Hero’ chu Billboard Hot 100-ah No.12 a la ni a, ‘Karma’ pawh No.27 a ni bawk a, heng te avang hian Artist 100-ah pawh tuma el phak lohin a No.1 leh ta a ni.
Artist 100 chart-ah hian Dave Matthews Band chu No.6-ah an lang a, an album thar ‘Walk Around the Moon’ chu Billboard 200-ah No.5-ah a debut a, an hla Hot 100 chart-ah lang pha an nei bawk a, hei hian chart-a an dinhmun a rawn siam tha a ni. Ghost pawh No.7-ah an lang a, an cover album Phantomine chu Billboard 200-ah No.6 a ni a, hei hian Artist 100 chart-ah a vawrh sang ta a ni.
Artist 100 Top 10:
1 Taylor Swift
2 Morgan Wallen
3 SZA
4 Luke Combs
5 Ed Sheeran
6 Dave Matthews Band
7 Ghost