Scottish club lian Celtic chuan Tottenham pana chhuak Ange Postecoglou hmunruak luahtu atan Brendan Rodgers chu an manager thar atan an ruat.
Northern Irish manager Rodgers hian kum 2016-2019 chhung khan Celtic hi a lo enkawl tawh a, a chetthatpui hle. Celtic a enkawl chhung hian domestic cup pasarih zet a lakpui hman a. Scottish Premiership-ah tlawm nei lovin Celtic hi a champion hial bakah a zawnin treble champion a nihpui hial bawk.
Celtic-ah hun duh-awm tak a hman laiin kum 2018-19 season laihawl khan Premier League club Leicester City a pansan daih a, Celtic tantu thenkhatte chuan rinawm lo lutuk tiin an thinrimna thuziak lian hmangin an lantir hial nghe nghe. Leicester City hi kum li leh a chanve chhung zet a enkawl hman a, FA Cup final a hruai thlen bakah European Competition a khelhpui a, Europa Conference League-ah semi-final a hruai thleng hial bawk. Foxes a tir lamah chetthatpui bawk mah se season liam ta khan an talbuai ta tlat a, Premier League atangin an tlahniam ta hial. EPL atanga an tlakhniam hnuin a ropuina Celtic lamah a let zui leh nghal dawn.
Celtic manager thar Rodger hian club ropui Liverpool pawh a lo enkawl tawh a. Liverpool bakah hian Watford, Reading leh Swansea City te a lo enkawl tawh bawk.
Celtic-ah Rodger a kir
Get real time updates directly on you device, subscribe now.
Prev Post
Next Post