English Premier Lea-gue club lian Chelsea chuan France striker Christopher Nkunku chu RB Leipzig atangin an lei a, hun rei tak daih contract an ziahpui.
Chelsea hian Nkun-ku manah £52m an seng a, manager thar Mauricio Pochettino hnuaia an player lak luh hmasak ber a ni. Chelsea hian season liam ta khan Nkunku hi an dawr fel tawh niin tarlan a ni. Blues forward thar Nkunku hian season liam ta khan RB Leipzig tan inelna hrang hrangah game 38 khelin, goal 23 zet a thun a, Bundesliga-ah chuan vawi 25 khelin goal 16 a thun. France tan vawi 10 a khel tawh a, World Cup 2022-ah khan hliam vangin a tel ve thei lo thung.
Nkunku hian Paris St-Germain-ah kum li chhung hun a hman chhungin Ligue title pakhat leh French Cup title pahnih a la hman a, kum 2019 khan German club hmasawn chak tak RB Leipzig a zawm. Kum 2021-22 season khan German Bundes-liga-ah player tha bera thlan a ni a, German PFA player of the season-ah thlan a ni bawk. Bundesliga-ah a khelh that theih em vangin club lian zawk ten an hmu tai a, London club lian Chelsea panin, khawvela tualchhung league ropui ber Premier League-ah a inlan dawn.
Chelse in Nkunku an lei
Get real time updates directly on you device, subscribe now.
Prev Post
Next Post