Central-a BJP sawrkar zawm hi a solution awmchhun a ni – Dr K Beichhua

Central-a BJP sawrkar zawm
hi a solution awmchhun a ni
– Dr K Beichhua
Kalphung thar sawrkar siamthatna atana solution tha ber chu central-a BJP sawrkar zawm mai hi a ni tih BJP MLA Dr K Beichhua chuan a sawi.
Thawhtannia an party office-a inkhawmah BJP State Core Group member Dr K Beichhua chuan, thawhchhuah mumal la neilo state tan chuan central sutpui kan vawn mai hi a tha tih sawiin, “Tun kalphung thar sawrkar siamthatna atana solution tha ber enge ni ang, kan tih chuan central-a BJP sawrkar zawm mai hi a ni. America lam belh hi a solution a ni loa, central India-a thuneitute hnena inngaitlawm taka Mizoram issue base en chunga kan kal a ngai tawh. Chu issue base-a sawrkar a kal lo a nih chuan miretheiten kan tawrhna hi a nasa zual zel dawn,” a ti.
Oil man pung avang ringawt pawh mipuiin kan tawrhna a nasa tan hle tawh tih a sawi a. Mipui aiawha dingten an auchhuah a, hma an la lo a nih chuan Mizoram hmabak a eng lo hle dawn tih a sawi.
“Politics hi ram siamthatna tura kawng pawimawh a ni a, nimahse, a kal fuh loh chuan chhungkaw tan harsatna leh buaina thlentu a ni. Politics tha mipui hnena chhawp chhuaka pek hi politician-te mawhphurhna a ni a, kan politics a kal fuh loh erawh chuan mipuiah phunchiarna a awmin harsatna ruamah mipui kan lut zel a ni,” BJP MLA hian a ti.