‘Central blessing’ awm leh awm loh enchhinna atan Ward19 hmang ila – MBJP president

awrkar laipui atanga hmasawnna hna thawhna tur sum a hrana a lokal leh kal loh enchhina atan AMC Ward.19 bial mipuiin hmangin, an party candidate vote tling turin a ngen tih BJP Mizoram president Vanlalhmuaka chuan a sawi.
Inrinnia Ward.19 inthlan atana street campaign an neih kharnaah BJP State president chuan, Mizorama sawrkarna chelh tawhte hi an tha lo a ni loa, tuna sawrkar mek pawh an tha a. Mahse, sawrkar tha nei tur leh hna thawk thei tur chuan sum a ngai a, chutiang tur chuan AMC Ward-19 by election ah hian BJP candidate an thlang a nih chuan sawrkar tha in hnathawhna atana an mamawh sum chu central atangin an hmu thei dawn tih a sawi a ni.
“MLA hnathawk thei, minister hnathawk thei, AMC corporator hnathawk thei, MLA Fund emaw Ward Fund tih vel chu development hna tak tak thawh nan a beitham hle a, development hna tak tak kan thawh theihna turin thenawm state-ten an dawn ang ‘central blessing’ kan hmuhna kailawn atan AMC by election hi min enchhinna atan hmang a, ‘model ward’ atana siam turin BJP candidate K Vanlalruati min vote sak theuh turin ward mipui kan ngen a ni,” a ti.
Ward-19 khawtlangah harsatna tamtak an tawh mek chu central atanga puihna tha zawk hmu thei a, heng harsatna atanga chhanchhuah an nih theihnan BJP candidate thlantlin a ngai tih Vanlalhmuaka hian a sawi a. A tling a nih chuan he Ward-ah hian Union Urban Development minister a rawn kal anga, khawtlang harsatna chu vengchhung puipate nen hmun leh hmunah an sawi ho thei dawn tih a sawi a ni.