Central YMA-in dan siamthat thlawp

State Legislative Assembly-in Mizo inneih leh ro luah kaihhnawiha dan awmsa siamthatna tur a duan chu an thlawp tih Central YMA chuan an sawi
Tunhnaia Mizoram State Legislative Assembly-in ‘The Mizo Marriage Divorce and Inheritance of Property Act 2014’ hman mek siamthatna (Amendment Bill) ‘The Mizo Marriage and Inheritance of Property (Amendment) Act 2026’ a pass chungchangah Central YMA Central Executive Committee thuchhuak chuan, he dan hian Mizo hmeichhia hnamdang pasala neite a huam loh avangin hnamdang pasala neih a that loh zia leh pawi zia tarlanna tha tak ni ah an ngai tih a sawi.
2025 YMA Inkhawmpui Lian vawi 75-naah YMA Khawih No.3-na “Mizo hmeichhiaten hnamdang pasala an neih zel lohnan Central YMA hian inzirtirna nasa zawkin kalpui rawh se” tih rel a lo nih bawk avangin, hetianga hnam humhalhna leh himna tura Mizoram State Legislative Assembly-in bill a pass chu a lawmawm takzet tih a sawi a ni.