CEO-in Hnahthial inbuatsaihna enpui

Lok Sabha inthlanpuia vote tla chhiar tura inbuatsaihna kal mekah chief electoral officer Mizoram Madhup Vyas chuan Inrinni khan Hnahthial a tlawh.
CEO hi district election officer, bawrhsap Chuauhnuna, district SP Shivendu Bhushan, Hnahthial DC office-a officer leh police hotuten lo dawngsawngin, MP inthlana hman electronic voting machine dahna strong room, vote chhiarna tur counting hall leh CCTV dah dan a enfiah a, inthlan kaihhnawiha official-te a kawm bawk.
Mizoramin MLA leh MP inthlan a hmachhawn tawh a, inthlan felfai leh thianghlim tak a awm thin chu a lawmawm tih Madhup Vyas hian sawiin, Hnahthial district pawh MP inthlan felfai tak an hmachhawn hnua vote chhiar tura an inbuatsaihna chu tha thawkhat hlea a hriat thu a sawi. Vote chhiar chu Election Commission of India duh dan anga kalpui turin a chah a ni.