Kohhran pahnih inchhunfin

Siaha district-a kohhran lian pahnih, Evangelical Church of Maraland (ECM) leh Congregational Church of India (Maraland) chuan inremna thuthlung ziakfelin an inchhunfin.
Inremna thuthlungah hian kohhran pahnih aiawhten Siaha district judicial magistrate hmaah hming an ziahhnan a. Kohhran insuihkawm lehna pual hian ECM Kohhran biak in New Siaha-ah May 24 atanga tan khan inkhawmpui neih a ni.
ECM leh CCIM hi kohhran pakhata awm thin an ni a, kum 1989 khan ECM atang hian CCI(M) hi indangin kum 35 hnu, kumin hian an inzawmkhawm leh a ni. Kohhran hming atan ECM tih chu lungrual taka pawmtlangin, CCI(M) chu thiah a ni. Kohhran insuihkhawm ta hian kohhran puipate pawh an siamrem nghal a. Kohhran hmunpui atan Siaha khawpui pawm a ni bawk.
Mara rama Zosap missionary chhungkua zinga chatuan ram pan hnuhnung ber, Rev. Violet Louise Anne Mark (Pi Vaili) chuan kohhran pahnih inzawmkhawm lehna hi a ngaipawimawh hle a, 2023 November 13 khan a chenna in, Serkawr Siaha district-ah a thi a, kohhran pahnih inzawmkhawm leh hi a hmu hman ta lo a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More