CEO-in Kolasib inbuatsaihna endik

Chief electoral officer Mizoram Madhup Vyas chuan Lok Sabha MP inthlanpui atana Kolasib district inbuatsaihna kalpui dan endikin Thawhtanni khan a tlawh a. Inthlan kaihhnawiha nodal officer leh sector magistrate-te nen an thukhawm
CEO chuan mipui aiawh thlan chhuahna atana vote thlak ngaihpawimawh kawngah state dangte entawntlak khawpa ‘model state’ ni tura tan lak a pawimawh tih a sawi a. Kan aiawha rorelna sanga ding tur thlannaa vote thlak thei nih a hlut zia inzirtir a tul tih a sawi a ni.
Election officer Christina Lalmuanzuali chuan Lok Sabha inthlan atana district inbuatsaihna a sawi a. Vote nei 63819 awm zingah 2853 chu vote nei thar, kum 18 leh 19 inkar an ni tih a sawi. Polling station 89 zinga 11 chu hmeichhe hlang enkawl a ni dawn a, PS zaa 60 chu internet nena thlunzawmin web casting hmanga vil theih a ni.
Kolasib SP David H Thangliana chuan dan leh thupek kenkawh a nih theih nana inbuatsaih dan a sawizau a. Inthlan huna election official-te leh vote thlak turte tan polling station-ah inthiarna, tui in tur thianghlim leh kawlphetha thlunzawm a ni a, mipui hnenah ruahtui khawl pawimawh zia pholang thei ‘Unique Polling Station’ buatsaih a ni tih a sawi a ni.