Certificate tha tak nei chhawr tlak loh an tam – H&TE minister

Mizoramah zirna lama certificate tha tak tak nei, chhawr tlak loh buaipui ngai tam tak an awm avangin zirna ngaihtuah chian a ngai tih Higher & Technical Education minister Dr R Lalthangliana chuan a sawi.
Zocareer Solutions founder Lalhruaitluanga lehkhabu ziah ‘Zirna Lamtluang’ (Road map to Higher Education) a tlangzarhnaah H&TE minister chuan Mizorama zirna chu a chhia a ni hran loa, certificate tha tak tak nei chhawr tlak loh buaipui ngai tam tak an awm thung tih sawiin, Mizoram zirna chu ngaihtuah chian a ngai tih a sawi.
“Kum zabi 21-naah kan chuangkai mek a, a hminga ti ve mai mai tan hna a hmuh theih tawh loh. Hlawhtlinna chang tur chuan tih tak takna nen, a thiam fal nih a ngai zel tawh a. Tun tum HSLC result chhuaka hlawhtlinna chang hote kha enge an thlen zel ang tih hi ka ngaihtuah nasa a ni,” a ti.