Chak taka kawng siam turin ngen

Vaivakawn Zohnuai leimin nghawng zela helai kawngpui a tihchhiat tel chu siamtha thuai turin PC party chuan sawrkar an ngen.
PC Gen. Hqrs. thuchhuak chuan Vaivakawn Zohnuai leimin chhiatna in a tlakbuak chhungkua leh a nghawng tuartu mipui harsatna sukiang tura bialtu MLA leh sawrkar ngaihsaknaah lawmawm an tih rualin, lirthei ke pali neite paltlang theih loha kawngpui chhia chuan, a bikin zirlaite, sawrkar hnathawk leh nitin eichawp zawngte tana harsatna namen lo a thlen chu chak thei ang bera siamthat hna thawh tul an tih thu leh, chak taka siamtha tura sawrkar an ngen thu a sawi.
He leiminin an in leh lo a sawpchhiat sak neitu Pu Zoramthanga Sailo leh Pu Lalramthanga te chhungkua chu an tuarpui takzet tih pawh sawiin, in leh lo tundin lehna kawnga hma hruaisak ngei turin sawrkar an ngen tih a sawi a ni.