Champhai Urban PHC hawng
Champhai Vengthara Urban Primary Health Centre (UPHC) chu Nilaini khan Health & Family Welfare minister Dr R Lalthangliana’n a hawng.
Minister chuan hmunhma nghet neih hmaa kalpuina tur School Education department-in an hmun an hmantir avangin lawmawm a tih thu a sawi a; hmunhma nghet building thar nena UPHC Champhai kalpui a nih theih nan hma lak zel a ni tih a sawi.
Mizorama Urban PHC 9-na tur Champhai UPHC hawn chuan sawrkarin mipui hriselna a dah pawimawh hmasak zia a lantir tini, changtlung taka bul tan ni lo mah se, cheibawl leh tihchangtlun kawngah theihtawp chhuah tum a ni tih a sawi.
Khawpuia cheng, harsa zualte pan theih turin India ram khawpui dangte ang loin tlangram bik tan in 30000 chin tan Urban PHC pakhat zel din theih a ni a. Champhai Urban PHC din tur hian kum 2020-2021 khan sawrkar laipuiah din phalna dil a ni. April 2021 atangin Education department building, Champhai Vengthar luah hawha bul tan niin, tunah hian thawktu 11 – doctor 1, staff nurse 3, health worker 2, Group D 2, pharmacist 1, lab. technichian 1, accounts clerk 1 an awm a ni.
Khum 6 awmin, OPD, laboratory, immunization, NCD leh program hrang hrang kalpui a ni a. Chhungkua 6881, mihring 34333 bakah Urban ASHA 7, Sub-Centre 6, Mahila Arogya Samity 6 leh Anganwadi Centre 44 a huam a ni.
Champhai Urban PHC hawng
Get real time updates directly on you device, subscribe now.
Next Post