District Jail leh Home hrang hranga awmten hriselna tha an neih theih nan leh, hri inkaichhawn theihte laka invenna’n heng hmuna awmte dinhmun enfiah kawnga beihpui thlakna, ‘Integrated STI, HIV, TB and Hepatitis (ISHTH) Campaign’ Champhai District-a kalpui tur zirhona leh inrawnkhawmna chu Thawhlehni khan district bawrhsap James Lalrinchhana hoin neih a ni.
Thukhawm chuan ISHTH Campaign khuhhawnna hi district bawrhsap hoin June 12 hian District Jail Champhaiah neih nise, an ti a. Hemi hnu hian campaign neih chhunzawm tur a ni. Ruahman dan chuan, Champhaiah District Jail bakah Home hrang hrang leh inenkawlna hmun thlanchhuah 11 ah ISHTH Campaign hi kalpui tum a ni a, hriselna kawnga thiambikna nei ten hriselna endikin test tul angte leh councelling-te an nei dawn a. Damdawi hmanga enkawl tulte pawh buaipui tum niin, inzirtirna hunte hman tum a ni.
Integrated STI, HIV, TB and Hepatitis (ISHTH) Campaign hi a tum khatna tur a ni a. Thutkhawmah hian a kaihhnawih sawrkar department hrang hrang inkara thawhhona tha vawnnun a pawimawh thute sawi niin, line department leh Home atangtein report ngaihthlak a ni a, campaign chungchanga ngaihdante ngaihthlak a ni bawk.
Champhaia campaign dan tur rel
Get real time updates directly on you device, subscribe now.
Next Post