Champhaiah Childrens’ Day hmang

Champhaiah Childrens’ Day hmang
District Child Protection Unit Champhai buatsaihin Ningani khan Champhaiah National Childrens’ Day chu hman a ni a. Champhai Addl. District & Session judge Vincent Lalrokima leh State Child Protection Society principal programme manager Amy Lalrinpuii ten an hmanpui.
Hmanpuitu pahnih bakah Child Welfare Commitee chairman Lalthantluanga Tochhawng ten naupang hlim leh himna tur ngaihtuah a ngaih thu leh nu leh paten mahni fate bakah thenawmte nau thlenga ngaihven a pawimawh thu te, naupang harsatna tawkte tan an awm reng thu te an sawi a ni.
Childrens’ Day hmannaah hian naupang tana tha thawhtu tangkai – C Lalthanliana, Vengthlang North Champhai leh naupang kutthemthiam bik mi pahnih – Johny H Vanlalhriata, Dinthar Veng Champhai leh Lalruatfela Kanan Veng Champhai te hnenah chawimawina thuziak leh sumfai hlan an ni. He mi hnu hian naupang intihhlimna hrang hrang buatsaih chhunzawm a ni.