MJA hruaitu tharten charge la

MJA hruaitu tharten charge la
Mizoram Journalists’ Association General Headquarters hruaitu atana thlan tharte hnenah Inrinni charge hlan a ni.
Aizawl Press Club-a hun hmanah president kalchhuak C Lalrambuatsaiha chuan president thlan thar Vanlalrema Vantawl hnenah charge a hlan a. Vice president C Lalhmachhuana chuan a post ngai a chelh nawn a. treasurer kalchhuak Lalrinmawia Sailo chuan treasurer thar Zohmingmawia hnenah charge a hlan a ni.
President thar hian MJA hmalakna tur sawiin, Press Club culture tihnun leh a ngai tih a sawi a. Welfare-ah hmalak a tul thu sawiin, hmarchhak state journalist welfare-ah Mizoram chu a nei tha zingah an tel pha loa, welfare mumal zawk nei turin theihtawp chhuah a tul tih a sawi. News lamah inel a tul thu leh hemi atan hian platform siam an tum dawn thu a sawi bawk.
MJA president chuan an pawl dan tlawhchhanin general secretary atan – K Zothanpara, secretary pathum atan – H Lalchhandama, Samuel Lalruatsanga leh Lalbiakzama bakah nominated executive member mi 5 a ruat thar a ni.