Champhaiah educational centre din

Sawrkar laipui Ministry of Information & Broadcasting hnuaia cheng nuai 100 senga din – Experiential Learning Centre (ELC) chu Ningani khan Champhaiah disrtrict bawrhsap James Lalrinchhana’n a hawng. ELC hi Mizorama hmasa ber a ni a, hmarchhakah pawh Sikkim leh Manipur chiahin an la nei.
ELC chu zirthiamna hmun, ‘educational centre’ a nihna ngaipawimawh turin bawrhsap hian mipui a ngen a. Zirlaite thiamna inthukru phochhuaktu, ram enkawl leh thil ruahman an thiam phah theihna leh thiamna tak tak pe chhuaktu ni thei se a duh tih a sawi.
Champhaia ELC din tur hian 2023 August 7 atanga hma lak tan a ni a. Artificial intelligence leh virtual reality hmang ‘Gaming Zone’, ‘HoloWorld’ leh video fiah zawk (high definition) hmanga thil awm dan inhrilhfiahna hmun ‘Viewing Room’ a awm a ni. ELC din nan hian Ministry of I&B atangin cheng nuai 100 hmuh a ni a, a hmunhma cheithat nan leh khawl bun fel nan Rs. 92,39,797 sen a ni tawh. Sum hman ban Rs. 7,60,203 pawh ELC tih changtlun nana hman leh tum a ni.