Champhaiah naupang rukbo laka inven tulna sawikhawm

National Commission for Protection of Child Rights (NCPCR), State Commission for Protection of Child Rights (SCPCR), Champhai district administration leh District Child Protection Unit (DCPU) Champhai tangho buatsaihin Nilaini khan naupang rukbo leh naupang hmanga dan loa sumdawnna laka himna tur sawi ho a ni.
Hmanpuitu Champhai bawrhsap James Lalrinchhana chuan India ramah naupang rukbo a hluar a, minute 8 dana naupang 1 zel rukbo ang a ni, tiin, hei vang hian NCPCR pawhin a ngaimawh a, naupang venhim kawnga theihtawp chhuah a tul tih a sawi. Champhai district chu ramri depa awm district 100 zinga tel a nih avangin naupang rukbona atana hmun remchang tak a ni a. Naupang rukbo thleng thn ven kawnga mawhphurhna lak a tul tih a sawi a ni.
Naupang rukbo leh hralhruk lama dan hriat tur tul inhrilh a nih bakah hemi lam kaihhnawiha hriat turte sawi a ni a. Police, Education, Women & Child Development, Excise & Narcotics bakah YMA Sub Hqrs, MHIP Hqrs, District MUP leh hetiang lama hma la tu tlawmngai pawl ho an tel a ni.