Champhaiah Nipun Bharat tan

Sawrkar Laipui Ministry of Education hnuaia National Education Policy (NEP-2020) hmalakna kalzelah Nipun Bharat chu Thawhlehni khan Champhai district tan an district bawrhsap, District Education Committee chairman ni bawk James Lalrinchhana chuan a tlangzarh. He hmalakna hi Samagra Shiksha hnuaia kalpui a ni.
NIPUN Bharat (National Initiative for Proficiency in Reading with Understanding and Numeracy) hian naupangin zirna innghahna lungphum pathum – ziak, chhiar leh chhiarkawp an thiam theihna’n, zirna boruak tha an neih theihna tur siam te, zirna in chu dam chhunga an tangkaipui tur zir chhuahna hmuna siam a, naupangte pawhin hriatthiamna tak tak nen zirna awmze nei leh hlimawm an neih theihna tur siama dah pawimawh a ni.
NIPUN Bharat hi Champhai district huamchhunga class II leh a hnuailam zirlai awmna school zawng zawngah kalpui tur a ni.