Champhaiah raltlante biometric la turin inbuatsaih

Myanmar atanga raltlante biometric lak chungchang sawihoin Thawhlehni khan Champhaiah district bawrhsap Mohammad Aaquib kaihhruaiin a kaihhnawih sawrkar official-te, village council leh tlawmngai pawl an thukhawm.
Raltlan hi Champhaiah mi 13586 an awm nia hriat a ni a, biometric hi mamawh huna raltlan awm zat hriatna atan ruahman a ni. Home department hnen atangin biometric lakna atan hmanrua dawn tawh a ni a, team din a ni anga, heng team hian Champhai khaw chhunga veng hrang hrangah kal kualin an lakhawm dawn a ni.
Team member-te bawrhsap office leh SP office atangin ruat an ni a, inhrilhhriata inzirtir a ni ang. VC-ten raltlan awm zat an thehlut anga, team hrang hrangin veng an tlawh chhuak ang.