Champhaiah rice mill bun tum lo

Leilet siam theihna hmun tha neitu Champhaiah rice mill bun tumna sawrkarin a nei rih lo tih Agriculture minister chuan a sawi.
Assembly Session-ah Champhai South bialtu MLA Lt Col Clement Lalhmingthanga chuan Champhai (Rice bowl of Mizoram)ah rice mill bun tumna a awm leh awm loh a zawhna chhangin Agriculture minister PC Vanlalruata chuan department atang chuan rice mill
bun tumna a awm hriat a ni lo tih a sawi.
Zawhna dang chhangin, hun engemawchen atang khan farm mechanization chu scheme remchang apiangah phak ang tawkin kalpui ve thin a ni a. Kum 2014- 2015 atang khan sawrkar laipui Ministry of Agriculture, Mechanization & Technology Division hnuaiah mission mode-in kalpui tan a ni a, hemi atan hian sawrkar laipui chuan Sub Mission on Agricultural Mechanization (SMAM) scheme siamin, chumi kaihhruaina zulzui chuan Mizoram Agriculture department chuan kumtin annual action plan a siam a, SMAM atanga fund hmuh hmangin loneitute hnenah lo neihna atana tangkai khawl leh hmanraw hrang hrang lei nan subsidy pek thin a ni tih a sawi.
Khawl thenkhat subsidy-a pek theih niin, buh leina tur ching zawk ta se, a tha angem tih chu sawrkarin a ngaipawimawh a, central mission hrang hrang awmah hma lak mek niin, buh pawh an ching zel anga, sawrkarin a lei zel tho dawn tiin, member-te zawhna minister hian a chhang a ni.