Sawrkar laipui Ministry of Information & Broadcasting sum nuai 100 senga ‘Experiential Learning Centre (ELC)’ Champhaia din tur ngaihtuahin ELC Management Committee chu an chairman, district bawrhsap James Lalrinchhana kaihhruaiin an thukhawm. Champhai ELC hi Mizorama a hmasa ber tur a ni.
Champhai hian ELC chungchang a sawizau a. Experiential Learning Centre (ELC) in a tum ber chu, naupangte leh thalaite tan technology thar hrang hrang an inzir theihna tur hmun ruahman a, hmanrua chhawpchhuah sak a ni. ELC-ah hian augmented reality, virtual reality leh metaverse khawl hrang hrang dah a ni dawn a. 100% central funding niin, state sawrkar tan insen ve a ngai lo. A enkawl chhunzawm leh khawl siamthat leh thawktute hlawh chu amaha intum thei tura beisei a ni. ELC dinna tur hian tun dinhmunah sanction tih fel tawh niin, cheng nuai 50 dawn a ni a, hna thawh tan nghal tum niin January chhungin hawn hman beisei a ni.
ELC chu Champhai district-a zirna tihmasawntu hmanraw pawimawh a la nih ngei a ring tih bawrhsap hian a sawi a. Zirlaite ah science and technology leh information technology lama tuina leh thiamna a thlen ngei a beisei tih a sawi bawk. He project tih hlawhtlin theihna tura kawng engkima lo kaihruaia lo ngaihventu Ministry of I&B director Armstrong Pame, IAS chungah lawmthu a sawi a ni.
Champhai district Experiential Learning Centre dinna atan CHANEM building 2nd floor chu a hmunah en hoin, an pawm a. UD&PA engineer-te enkawlna hnuaiah a chhung chei hna thawh tan nghal tur a ni.
Champhaiah technology thar zir theihna tur ECL din dawn
Get real time updates directly on you device, subscribe now.
Prev Post
Next Post