Silk Samagra-2 project hnuaiah Nilaini khan Serchhipah pangang khawitute hriat tur tul inzirtirna buatsaih a ni.
He hun hmanpuitu Sericulture director V Zothansanga chuan eng kawng pawh ni se, theihna leh thiamna a inang loa, intathriam a, hma sawn zel turin training neih hi a pawimawh em em tih a sawi a ni. Silk pangang khawituten hlawk zawka an thar chhuah theih nan mithiamte zirtirna an dawn hian nasa taka a puih ngei a beisei tih a sawi bawk.
Training hi hun hniha then niin, hun hmasa zawkah deputy director & project coordinator B Lalchhuana chuan ‘project (purpose, action, goals)’ tih thupui hmangin a zirtir a; sericulture scientist Lalthlamuana Pachuau-in ‘pruning schedule and quality cocoon production’ tih hmangin a zirtir a. DSO pahnih – Janet V Sailo leh Remlalliani Zadeng ten an zirtir bawk.
Training-ah hian Baktawng, Bungtlang, Chhiahtlang, Hualtu leh Serchhipa silk pangang khawitute an tel a ni.
Silk pangang khawi zirtir
Get real time updates directly on you device, subscribe now.