Champhaiah Youth Parliament nei
Champhaiah District Level Viksit Bharat Youth Parliament 2025 chu Zirtawpni khan Champhaiah neih a ni a. Bawrhsap Mohammad Aaquib chuan a hmanpui.
Youth Parliament hi sawrkar laipui Ministry of Sports & Youth Affairs-a Department of Youth Affairs leh Govt. Champhai College inremnaa buatsaih a ni a. Champhai leh Khawzawl district-a thalai kum 18-25 inkar 100 vel an tel. Youth Parliament-a tel tumte hian MyBharat portal-ah “What does Viksit Bharat means to you?” tih thupui hmanga an thusawi video minute khata rei an upload hnu ah, inelna an hmachhawn a. Final round-ah “One Nation, One Election: Paving the way for Viksit Bharat” tih thupui hmangin an inel ang.
District inelna a titha zual mi 10 chuan district aiawhin state inelna an hmachhawn anga, state inelnaa tithaten national level-ah Mizoram ai an awh ang. National level-a pakhatna in cheng nuai 2, pahnihna in cheng nuai 1.5 leh pathumna nuai 1 an dawng dawn a ni.
Champhaiah Youth Parliament nei
Get real time updates directly on you device, subscribe now.
Next Post