Lawmman la
-- Advertisement --
Kumin Republic Day Aizawla hmanah kum hnih hnu ah dan pangngaiin parade contingent kim an inlan a, an vaiin 26 niin, category tina 1-na atanga 3-na latute chu : Armed category ah – 2 Assam Rifles Bn, Sikkim Police, 1 Mizo Air Squadron NCC; unarmed category – 1 Mizo Bn NCC, 1st Bn MAP English Medium Scouts & Guides, Mizoram Police Canine Squad; school contingent – Govt. Zemabawk H/S, Staine’s Memorial HSS, Ephraim HSS a ni.
Lo hal hun
District Level Fire Prevention Committee Mamit chu an chairman, district bawrhsap Lalnunhlua hoin February 6-10 chhunga Fire Prevention Week hman dan tur relin an thukhawm. March 15 hmaa lo/ leipui hal vek tura tih a ni a, Lengpui Airport bulhnai khuate chuan chahwnu dar 3.30 hnulama hal vek tura tih an ni. Week hawnnaah hian ramkang ven kawnga hnathawk tha khua thlan chhuahte lawmman siamsak leh tum a ni bawk.
Enfiah
PHED Champhai WATSAN Circle SE C. Lalhmachhuana chuan Champhai hmar lam khua – Ngur, Vapar, NE Diltlang, Hnahlan, Lungphunlian, Tualcheng leh Murlen tlawhin Jal Jeevan Mission hnuaia heng khuaa tui thianghlim in tur pekna kawnga hmalakna thawh zawh tawh leh thawh mekte a hmunah a enfiah.