Chanchintha thehdarh khuahkhirh tum

Assam Chief Minister Himanta Biswa Sarma chuan a sorkar chuan Kristian chanchintha thehdarh khuahkhirh an tm thu sawiin chubakah Uttarakhand Uniform Civil Code (UCC) dungzuiin anti-polygamy law siam an tum thu a sawi bawk.
February 10 khan Assam Cabinet chuan Assam Healing (Prevention of Evil) Practices Bill, 2024 chu a pawm a, he mi hmang hian inbumna hmanga tihdam rawngbawlna kalpui chu khap a ni dawn a ni. Magic healing kalpui tute chu he Bill hmang hian tangka chawitir leh lung in tantir theih an ni dawn a ni.
“Magic healing hi tribal mite sakhua a inlehtir nana hman a ni a. He Bill hi kan ngai pawimawh dawna sakhuana status quo chu intluktlang a awm theih nana pawimawh a ni a. Muslim chu msulim ni reng se, Christian chu Christian ni mai se, Hindus te pawh HIndus ni reng mai se” tiin Sarma chuan a sawi bawk a.
“He mi vang hian Assam ah evangelism khuahkhirh kan tum a, chumi atan chuan tihdamna kalpui khap chu mel lung pawimawh tur a ni” tiin a sawi bawk.
Chief Minister chuan State sorkar chuan polygamy khapna dan chu Uttarakhand sorkar in UCC a kalpui zulzuia siam a tum ati bawk a. “UCC hian polygamy a khap mai a ni lo va, civil offence ah a siam a ni. Polygamy hi criminal offence a siam kan tum a. Kan expert committee ten UCC mila kalpui turin an buaipui mek” tiin a sawi bawk.

Kohhran school te vau
Hetihlai hian radical Hidnu group Kumtumba Surakshya Parishad
(Family Safety Council) te chuan Assam a kohhran enkawl school te chu zirlai te Kristian a inlehtir nana an hman Christian symbol tin te paihbo vek turin an ti bawk a.
“Christian missionary te hian school leh educational institute te chu religious institute ah an chhuah a ni. Hei hi kan remti dawn lo” tiin group president Satya Ranjan Borah chuan a sawi.
Missionary school te chu February 7 atanga ni 15 chhungin Isua leh Mari lim leh thlalak te an school compound atanga paihbo vek turin an ti a. Chumai bakah putihiam, nun leh brother te chu school compound chhunga sakhua incheina te inbel lo turin an ti bawk.
Guwahati a inbun Archbishop John Moolachira chuan radical group te chuan school leh educational activities neih an tikhirhkhan vek tawh tiin a sawi a. School thuneitute chu fimkhur tura tih reng an ni thu a sawi bawk.
Assam-ah hian mihring 3 crore vel chengin chuta 3.74% vel chauh chu Kristian an ni.