Chandrayaan-3 kap chhuak dawn

ndia siam thla (Moon) leilung zir chiangtu tur Chandrayaan – 3 chu vawiin Zirtawp ni dar 2:35 Pm hian ka chhuah a ni dawn. Indian Space Research Organisation (ISRO) chuan ruahmanna siamin Chandrayaan – 3 kah chhuah tur hi July 13, Nilaithawhtan chawhnu dar 1.05 atanga chhiar tanin darkar 26 hnu Zirtawpni chawhnu dar 2.35 ah LVM3 Rocket hmangin Satish Dhawan Space Centre, Sriharikota atangin a kap chhuak dawn a ni.
Chandrayaan – 3 hi thla leilung zir chiang tura ISRO-in a siam te zinga pathumna niin Lander Module (LM), Propulsion Module (PM) leh Rover – planet hrang hrang te zir chiang thei tura tunlai thiamna sang zawk nena thuam a ni. ISRO Chairman S.Somnath in kar hmasa lama a sawi dan chuan Chandrayaan – 3 hi August 23 – 24 ah thla ah a tum tura ruahman a ni a, a chhan chu hemi lai bawr vel hian thla ah hian ni eng a awm tura kan beisei vang a ni, tiin a sawi. ISRO thuneitu te chuan Nilaithawhtanni khan Lord Venkateswaran temple, Tirumala, Andhra Pradesh a mi chu tlawhin malsawmna an dil a, hei hi ISRO tih dan phung ve reng niin Sriharikota a satellite an kah chhuah dawn apiangin Pathian malsawmna an dil thin thu ISRO hotu te chuan an sawi a ni.