Chapchar Kut ni khat

Kumina Chapchar Kut chu ni khat hman a ni dawn a. Kut thupui atan “”Zonun Zemawi – Tlawmngaihna” tih thlan a ni.
Chapchar Kut hman dan tur relin Organising Committee chu an chairman, chief minister Lalduhoma kaihhruaiin Thawhlehni khan an thukhawm a. Ni khat hman rel niin, Kut Pa tur leh Kut Thlengtu tur an ruat.
Chapchar Kut hmanna tur sum, district leh Mizoram House hoa sem darh dan tur siamfel a ni a. Kut hmanna tur sum hi sawrkar budget-a dah a ni ngai loa, kumtina hman thin, Mizote ni pawimawh a nih avangin nakkum atang chuan sawrkar budget-a dah a nih tawh tur thu chief minister hian a sawi.
Sub-Committee din tul leh Souvenir Editorial Board an din a, sawrkar department dangte nena thawhhona awm theite, exhibition buatsaih dan tur, food court buatsaih theih dan leh thil pawimawh dang ngaihtuah a ni.