ChatGPT siamtuin AI khuahkhirhn ni se duh

Advanced chatbot ChatGPT siamtu chuan US lawmakers te hnenah artificial intelligence (AI) chu khuahkhirh turin a ti.
Sam Altman, OpenAI CEO, ChatGPT siamtu company chuan US Senate committee te hmaa a inlannaah he technology tharah hian thil hlauhawm awm thei a awm tiin a sawi a.
Thla rei lo te chhungin AI models te chuan market an luhchilh tawh a, Altman chuan AI company te license buaipuia enfiah turin agency thar din ni se a ti.
ChatGPT leh a tlukpui programme dangte chuan mihring ang maiin zawhna chhang thei a siam thei a, a chhanna te chu a chang chuan a dik lo chhiava ve thin tho bawk.
Kum 38-a upa Altman chu he industry thupuangtu ang deuh roha awmin AI kaihhnawiha ehtical zawhna te a theih ang tawkin a chhang a. AI chu ‘printing press’ anga lian a ni thei tia sawiin mahse a hlauhawmna a sawi bawk.
Hei mai bakah hian AI chuan economy-ah nghawng na tak a nei dawn ti bawkin, AI technology chuan hna tam tak a thlak dawn a, field thenkhatah chuan mi hna chhuhsak tur a ngah ang, a ti bawk a.
“Hna lamah nghawng a nei ngei dawn a, hei hi chu kan sawi chiang a ni,” tiin a sawi bawk.
Chutih laiin senators thenkhatte chuan mipui tena OpenAI an khin awlsam zawk theih nan dan siam tul an ti ve thung a.
Altman chuan legislators te hnenah AI chuan democracy a nghawng thei tia sawiin AI chu inthlan dawnin information dik lo thehdarh nana hman theih tiin a sawi a.
US thuneitute chuan AI industry chu an thunun thei tia sawiin AI company te permit chu an lasak thei tia sawiin OpenAI pawh independent a audit ngei ni se a ti bawk.
Republican Senator Hosh Hawley chuan AI chu revolutionary tia sawiin chutih rualin ‘atomic bomb’ nen a tehkhin bawk a.
Democrat Senator Richard Blumenthal chuan AI ‘thunun hma lam hun hi kan hma lam hun mamawh a ni ber lo’ tiin a sawi a.
“A chhia aiin a tha kan chungnuntir a ngai a. Congress-in duhthlan tur a nei a. Social media ang bawk khan duhthlan tur kan nei a ni. Chutak chu kan hmaih ta thung,” tiin a sawi bawk.
Thil chiang tak chu AI industry regulate turin ngaihdan a inang lo va Mahse, he technology thang chak lutukah hian legislator te pawhin a mil tawkin dan an siam thei ang em tih chu zawhna lian tak a ni bawk.