Chaw tha- Kawlthei

Chaw tha- Kawlthei
India mithiam ten zirchianna an neih hnuah kawlthei (guava) chu ‘ultimate superfood’ an ti a, thei zawng zawnga antioxidant pai tam ber pawl a ni a, cell chhe tur a veng thei a, vun a ti lang naupang a, cancer vengtu tha tak niin an sawi.
India-a thei chi hrang hrang te an test a, an test zingah hian Himalayan apple, pomegranates, balhla leh grape te pawh a tel a, mahse, chung zawng zawng zingah chuan kawlthei-ah hian antioxidant a tam ber tlat a ni.
India-a National Institute, Hyderabad a mithiam ten zirchianna an neihah chuan Indiam plum, custard apple leh theihai te chu kawlthei dawta antioxidant pai tam te an ni.
Mithiam te chuan kawlthei gram 100-ah antioxidant miligrams (mg) 500 vel zel awm angah an chhut a, chutih laiin plum-ah chuan 330mg, theihai-ah 170mg, pomegranate-ah 135mg awmin, thingfanghma-ah 39mg, balhla-ah chuan 30mg vel chauh awm angah an chhut a ni.
Dr Sreeramulu chuan, “Kawlthei hian antioxidant a pai hnem a, fibre pawh a pai tam. He thei hi ‘mirethei ei phak tawk thei’ (poor mans fruit) te pawh an ti a, a man tlawm vang a ni. Nitin kawlthei ei ziah hi apple ei ziah tha kan tih tluk bawkin a tha a ni,” a ti.
He zirchianna chungchang hi Food Research International journal-ah tihchhuah a ni.