Chawngte-ah sawrkar inchhawp hnai
Lawngtlai district bawrhsap pisa bultuma ‘Citizen Care- Grievance Redressal Day’ (Khua leh tuite ngaihsak-harsatna chinfel ni) hman thin chu a thawh 5-na atan Zirtawpni khan Sub-Divisional Officer (Civil) hmun Chawngteah hman a ni a. Chawhma dar 10.00 atanga chawhnu dar 3.00 thlengin sawrkar department hrang hrang chu mipui dawr theihin an inpho chhuak.
Sawrkar department 11 – Superintendent of Police office, Executive Engineer PHED office, Executive Engineer P&E office, District Research Officer office, Chief Medical Officer office, District Commissioner of State Tax, District Civil Supplies Officer office, Election Officer office, District Education Officer office leh Lead Bank manager (SBI) bakah BDO Chawngte chu mipui dawr theihin dawhkanah an inpho chhuak a ni.
‘Khua leh tuite Ngaihsak-Harsatna Chinfel Ni’ hman tawhah mipuiin hlutin an ngaipawimawh hle a, mi thahnem takin department hrang hrang inpho chhuak hi dawrin, harsatna an neih ang ang an thlen thin. Tun tuma buatsaihah pawh hian mipuiin Lawngtlai kal kher ngai loa sawrkar official-ten an lo kalchilh chu an lawm tih an sawi a. Sawrkar department inpho chhuakte hi dawrin an harsatnate an thlen a ni.
Chawngte-ah sawrkar inchhawp hnai
Get real time updates directly on you device, subscribe now.
Prev Post