Chelsea midfielder chawl rei dawn

West Ham United laka 1-3-a an tlawm tum half time hmaa hliam avanga khelmual chhuah-sak Carney Chukwue-meka khup hliam chu zai a nih hnuah chawlhkar ruk tal a chawlh a ngai dawn tih Chelsea thu-chhuah chuan a tarlang.
Kumin nipui laia Aston Villa atanga pound maktaduai 19-a an lei-chhuah English attacking midfielder hian season thara Chelsea Premier League game hmasa pahnihah luh hmasak chang ve vein, west Lon-don club-a an midfield kungpui ni chho thei tura beiseina a san hman laiin khup hliam buaipuiawm chiin a tlakbuak ta a ni.
Hammers an ngam loh tum khan Blues goal neihchhun a thun hnuah a intina a, Thawhtanni khan zai niin, rawlthar kum 19 mi chuan kirleh thuai a tum thu leh a nat chungchanga ngaihsaktu Chelsea fans chungah lawmthu a sawi.
Chelsea chuan an player-in ngaiawh lehna programme a tan tur thu leh Cobham training facility behchhanin an club medical depart-ment nen an thawkho dawn tih an tarlang.