Chemistry Nobel prize mi pathum hnenah

Chemistry Nobel prize chu Moungi G. Bawendi, Louis E. Brus leh Alexei I. Ekimov te hnenah quantum dots an hmuhchhuah avangin pek an ni tiin Royal Swedish Academy of Sciences te chuan an tarlang.
Nikum khan he chawimawina hlut hlawh zet mai hi click chemistry leh bioorthogonal chemistry an hmuhchhuah avangin Carolyn R. Bertozzi, Morten Meldal leh K. Barry Sharpless te hnenah pek an lo ni tawh a. An thil hmuhchhuah click chemistry chu DNA mapping nan te leh bioorthogonal chemistry chu cancer enkawl nan pharmaceutical refine nana hman a ni.
October 3 khan Royal Swedish Academy of Sciences te chuan Physics-a kumina dawng tur Pierre Agostini, Ferenc Krausz leh Anne L’Huillier te chu electro dynamics lama an zirchianna hmanga ‘autosecond pulses of light’ generate dan an hmuhchhuah avanga pek an nih thu an lo puang tawh bawk a.
Kumina Nobel prize for Medicine or Physiology chu Katalin Kariko leh Drew Weissman te hnenah Covid-19 enkawl nanan mRNA vaccine tha tak siam a nih theihna tura nucleoside base modification lama an sulhnu avanga pekin an lo awm tawh bawk.
October 5 ah Nobel Prize in Literature dawng tur puan a ni ang a, ngaihsan hlawh ber Prize for Peace chu october 6 ah puan ni dawnin Prize for Economic Sciences chu October 9 ah puan a ni thung ang.
Nobel Prize hian 10 million Swedish kronor ($900,000 dawn) a keng tel a, December 10 ah sem a ni ang.