F. Lalremsiama
Chaltlang
Mb : 8415994340
-- Advertisement --
Ka ngaihtuah nawn fo tawh thin chu tukin The Aizawl Post Editorial-ah Halpuah leh Halmawi vel, Police-in Nuai Sawm (10) hu zet an man, man zel phawt mai se tih thu leh zawhna awm thei te a rawn tarlan khan min tur nasa ta lutuk a, Theory thar ka auchhuahpui ta a ni.
Kan Headmaster, Pu Sangliana, BA, English Honours, CHEMTATRAWTA thawnthu English-a lehlin kha ka chhiar nawn fo thin. A mawi, a fiah a chhuanawm ka ti!
He thawnthu neitu, bul tumtu hian a chet thatna leh a thil tih tur hi ngun takin a Hisap that loh avang leh a thin thawkin pawisawi hauh lo Ropui chungah, tul chhete eih loah, a chempui tahhriam chu a hmang kher kher a, a “Pawi zo ta” a ni ber. Jurisprudence-a mens-rea inphum leh phum loh chu Ukil-te thu thu le! Amah chem tattu khan a chet – tlatna laia thil awm leh tin a thei awm leh awm loh, Security (himna) a thlithlai lo, a chesual ta chiah reng a. A savun bag (Til) tak mai, then then si kha Kaikuang khan a tin ran rana a chep ta hlawk tih nu leh pa, pi leh pu-ten min hrilh chho ta char char a. Kan Politik pawhin a kalsual phah ta dawrh a ang viau. Hliam na lutuk (Grevious Hurt) Damdawi in luh phahna tham ni chiah lo lehnghal, a thin ter tek khan thilsiam tam fet a ti khawlo zo, pawi tak a ni! Phiarrukna awmlo, inthurualpui a neih thu sawi pawh awmlo, a beitu sual Kaikuang kha Bitum chat sela, Khuarel Dikna Rorelna lang thei nghal mai tur. Ani Patling chempui tat hriam khan “Zawh dawra suk tin” tih hlawh mahse Natural Justice chu tih puitlin a ni mai dawn sia, aw!!
Chhuichian danthar (Theory) ni mahsela, Darwin-a Evolution Theory lak chuan i fiah uar awlsam daih ang. Pulit hlui ka ni bawka misual man, chhan awm tha lo fe fe chunga Roreltu (Court lam leh Sorkar) ten an chhuah zalen mai mai a, min elsen fo thin te kha chu, mahni han inchan ve teh. I hrethiam mai ang! Gas tih chingpen, Petrol leh Diesel pawlh dal – chiang fe fea Police-te man thin, YMA te man te – An hrem dan hriat tham a tlem i ti ve ngawt lo maw? Hmanni lawka OIL lam Petrol Pump-a leitur bar awm loh laia lo BLACK te kha tunge hrem? Fa thunun loh pawizia sawi tel a ngai lo e. Kum tina Halpuah leh Halmawi leh Silai lem, a mu kapchhuak thei – lei leh hralh leh kawl leh Hman hi tawp se in ti tak tak a nih chuan man a harsa lo, HREMNA tak tak lek khawng at a tul a ni. A hluar zualna Pocket, in nen lama kawkthei (pinpoint) Pulit hnathawk thei, YMA hnathawk thei an la tam! Thuneitu ten an zir thlawt lo a ni ber!
Kan Kristian leh Tian loh daih daih chham tel a tul lo. Kalphung thar leh Mipui Sorkar kan enchhin mek alawm. CHEMTATRAWTA THAR i chherchhuak zel tawh lo ang u hmiang. Entawn tlakin, finfiah dawl zo, Langtlang ngeiin.
A tawina hian a seizia entir rawh se.