Cher nan zikhlum

Cher nan zikhlum
Times of India health section-in intihcher tum te tana zikhlum soup chaw a ringa, ni sarih chhunga rihna tihhniam theih dan an tarlan te kan rawn chhuah chhawng e. He diet plan-in a tum ber chu calorie deficit a ni a, chu chu intihcher tumte tana pawimawh hmasa a ni. He diet plan anga tih hian kar khatah kg 4.5 a paih theih niin an tarlang.
Zikhlum soup siam nan hian zikhlum, tomato, purunsen, purunvar, broth (hetiang hi soup-a telh chi, dawrah lei tur a awm ang), tui leh tomato juice te a ngai a, he diet plan kalpui lai chuan nitin zikhlum coup bowl eng engemaw zat in a ngai a, hetih chhung hian zu in loh tur a ni a, kar tluanin chini ei loh tur a ni. Nitin zikhlum soup thahnem tak in ziah bakah heng diet te hi ei tel theih a ni:
Ni khatna: Thei ringawt ei tur (balhla tel lovin). Duhtawka tam a ei theih.
Ni hnihna: Thlaihnah a hel ei emaw, chhum emaw duhtawkin a ei theih. Dry beans, vaimim leh peas tih loh chu a ei theih vek. Zanriah atan alu chhum pum lian tha tak leh butter.
Ni thumna: Thei (balhla tel lovin) leh thlaihnah duhtawk a tam a ei theih.
Ni lina: Balhla pum 8 thleng a ei theih a, bawnghnute a thau mawm paih nen.
Ni ngana: Bawngsa emaw arsa emaw gram 300 – 500 leh tomato tharlam pum 6
Ni rukna: Bawngsa leh thlaihnah duhtawka tam.
Ni sarihna: Brown rice duhtawk a tam, thei tui tih thlum loh leh vegetable juice