Chhaava-in vbc 500 la lut hnai tawh

Chhaava-in vbc 500 la lut hnai tawh
Historical epic Chhaava chu box office lamah a la kaltluang viau zel a, cinema hall-a an chhuah tan atangin a kar thumna a hmang mek a, cinema hall ticket hralhna atanga a sum lak luh pawhin cheng vaibelchhe 500 a hnaih ve ta.
He film hian Thawhlehni kalta khan a ni 19-na hmang chiahin, cheng vaibelchhe 5.50 a la lut leh a, tihian a kar thumnaa a lak luh zawng zawng cheng vaibelchhe 72.5 a tling leh ta a ni.
Chhaava hian a kar khatnaah cinema hall ticket hralhna atangin cheng vaibelchhe 219.25 a la lut theia, a kar hnihnaah cheng vaibelchhe 180.25 la lut lehin,a kar tumnaah weekend a la thleng lo nain, cheng vaibelchhe 72.5 a la lut leh tawh bawk a, tihian ni 19 chhungin cheng vaibelchhe 472 a la lut tling tawh.
Chhaava hian cheng vaibelche 500 a la lut tling thei a nih chuan kumina Hindi film zinga hetiang zat cinema hall ticket hralhna atanga la lut thei hmasa ber a ni dawn a, a changtupa Vicky Kaushal channa film-a cheng vaibelchhe 500 la lut thei hmasa ber a ni bawk ang.